Финансиски извештај за 2024 година
Министерката Тренческа ги измешала лончињата
Едно е остварување право на пензија и висина за истата, а другото е усогласување на пензиите со трошоците за живот! Да и биде појасно, од уплатените придонеси пензионерите добиваат основица за пресметка на износот на пензија и тоа за едни е 200 евра, за други и до 1000 евра. Купчето за усогласување дали ќе го поделите подеднакво на сите, или на тие што имаат многу ќе им дадете уште повеќе, а на тие што скоро и да немаат ќе им дадете трошки, е исклучиво само разум, чувства и воља на министерот за труд, Владата и пратениците! Се разбира со законски измени. Има време со европско знаменце ќе ги доставите. Ако не е уставно линеарното усогласување на пензиите (подеднакво за сите, бидејќи и трошоците, цените се зголемени исто за сите, не се пониски цените за пензионерите со минимални пензии) дали тоа значи дека и износот на К 15 не е уставен бидејќи е за сите ист износ, а не според висина на платата?! Не е уставен законот за материјслно обезбедување каде сите стечајци добија ист износ на паричен надомест, а сите плаќале различен придонес за вработување? А, да 78 % покачувањето на платата на Тренчевска важно е уставно!
Честит Илинден
И после 120 години од Илинденското востание Македонија се уште е во борба за своето постоење. Аманетот од илинденците да го сочуваме ова парче земја од Бога благословено, трае и денес. Да не дозволиме македонскиот оган да згасне, туку напротив да дадеме се од себе македонското сонце силно да ги грее и идните наши генерации. Честит и вековит нека е Илинден! Да си вечна и благословена Македонијо!
Да ја изразиме својата солидарност во знак на сеќавање на жртвите од земјотресот во Скопје 1963
Утрото на 26 јули 1963 година требаше да биде како и секое друго утро за скопјани. Но, природата реши тој ден во 5.17 да ја истури сета своја сила врз Скопје и засекогаш да го промени животот и изгледот на Скопје и скопјани.
Во знак на сеќавање на загинатите во разорниот земјотрес, Десница ги повикува сите граѓани како и досега, така и во иднина да продолжат со својата солидарност и да учествуваат во сите хуманитарни акции, вклучително и на традиционалната крводарителна акција во организација на Црвениот Крст, која се одржува во ,,Даре Џамбаз,, од 09 до 17 часот.
ДЕСНИЦА СО КАТЕГОРИЧЕН СТАВ: ,,НЕ“ ЗА НАСИЛНА ПРОМЕНА НА УСТАВОТ
И со денешните десет гласови „за“ и седум „против“ на Собраниската Комисија за уставни прашања која го изгласа натамошното разгледување на предлогот за уставни измени, власта по кој знае кој пат покажува сила и непочитување на мислењето и ставот на мнозинството на македонски граѓани кои се против ваквите уставни измени.
Овој собраниски состав нема мандат од граѓаните за промена на Уставот, па затоа на Македонија итно и се потребни предвремени парламентарни избори каде партиите во своите изборни програми треба да стават дали, кога, во кој дел и зошто би го менувале Уставот?!
Со уставните измени, кои сега се туркаат насилно, само ќе се отворат нови прашања, а досегашните проблеми ќе се продлабочат. Во ЕУ не влегуваме поради неуспешните и несериозни владини политики и ,,битки“ со криминал и корупција, а не поради барањата на Бугарија!
Десница смета дека членството во ЕУ е во интерес на Македонија, но не по цена на туѓи интереси и уцени, а на наша штета. А прашање е и дали ЕУ сака Македонија да стане дел од нејзиното семејство?!
Десница, и покрај тоа што не е дел од Собранието, останува категорично против било какво менување на Уставот на Македонија во насока на нанесување огромна штета